BOCOR

Bocor

Iptu Susi nyalingker,ka pipir kantor. Gap kana henpun, “ Siraru muru lampu !, saenggalna !”. Teu nunggu jawaban.Henpun di paehan. Laju Leumpang rurusuhan, muru mobil. Tujuh anggotana geus sariap. Mobil nyuruwuk tarik, mawa maranehna ka hiji tempat. Imah nenggang, hateup eurih, medem taya lampu hiji-hiji acan. Hujan munggaran maralak, dalapan jelema leumpang dongko patutur-tutur, nyepeng pestol sewang-sewangan. Lebah panto, reg, nu panghareupna eureun. Tonggong narapel kana tembok. Iptu Susi, mere isyarat ku gideug. Dua anak buahna unggeuk. Gebro!, panto di dobrak. Blus opat jalma arasup. Sepi. Cahaya batre, nyorot kaditu kadieu. Imah di burak-barik. “ Kosong …Dan !”, Brigadir Agus,laporan. Iptu Susi, ukur ngabigeu. Hujan turun beuki gede. Di saung nu jauh kaditu kadieu, hiji lalaki nu tatu lebah sukuna, ngirim sms . “ Nuhun … Geulis ! “. Di kamarna Panon Iptu Susi carinakdak. “Kang Panji mah, tetep langkung nyaah kana ideologi !”. Cipanon Iptu Susi merebey, nyakclakan kana pestol nu aya dina lahunanana.

Koméntar kana ieu Fikmin:

1. Iwan Hanjuang: tragis dua kipayah anu beda,sanajan hate mah ngan hiji..
2. Lina Marlina: misterius pisan eta Iptu Susi teh....
3. Entjep Sunardhi: Mindeng kajadian parentah "cekal" kapiheulaan ku nu kabur.
4. Godi Suwarna: :"Siiip, Yayi...! Mokus pisan..! Renjaganana teu kabade ti awal. Karaos pisan dilematisna. Mung aya kapanasaran. Upami imah hateupna eurih, biasana mah dingdingna ge ku bilik. Ari ieu ku tembok. Kumaha tah? Manawi aya bongbolongan ti Yi Perbu. Jalaran ieu mah fikmin realis, sagalarupina kedah logis. Kitu nu kaemut..."
5. Meila Handayani: Bogoheun kitu??*ngahuleng ☺Ήii☺Ήii☺Ήii•••☺
6. Ahmad Yani: Kang@Iwan Hanjuang : Kana kitu rupina Kang !, garis takdir,sesah di pungkir ! hatur nuhun kana pairanna Ang Iwan !
7. Ahmad Yani: Lina Marlina : Nuju bingung anjeuna teh rupinamah, nete semplek, nincak semplak !! heu heu !
8. Ahmad Yani: Kang Entjep Sunardhi : Ngabocorkeun rusiah, anu kapaksa tea, panginten Ang !, jalaran pabetot-betot , sareng hate !
9. Ahmad Yani: Kang@Godi Suwarna : Hatur sewu nuhun kana apresiasina. Perkawis imah nu hateupna eurih , ah... seja balaka we ! Kang Perbu ( da ngadamel hojah ge, tangtos katohian ku Kang Perbu mah ! he h e he ! ) abdi teh kirang taliti. Leres kasaurang Kang Perbu , Sakedahna pulisi teh nyarandena kana bilik, sanes kana tembok. Katampi pisan koreksina Kang Perbu !, teu kinten ageung mangpaatna, supados sim kuring langkung ati-ati kapayunna. Hatur nuhun pisan Ang Perbu !
10. Ahmad Yani: Meila Handayani : Sumuhun rupinamah, da teu acan putus saurnamah ! heu heu heu !
11. Ki Hasan: Padahal tiasa wae hojah oge Kang Ahmad Yani. Bisa jadi imah kaayeunakeun Kang Godi Suwarna. Imah tembok tapi dipapaes luar model imah gerilyawan di pagunungan. Hateup kenteng Jatiwangina dibungkus ku hateup eurih. Keur kamuflase tina radar tangtara. Hehehe
12. Ahmad Yani: Ki Hasan : Heu heu heu , hatur nuhun kana pairanna. Rupina pamendak Ki Hasan ge aya leresna. Namung nu jelas mah sim kuring rumaos, coroboh, kirang taliti, ngaitkeun hateup eurih , sareng tembok. heu heu !
13. Godi Suwarna: :"Hehe....! Terus terang, mayunan fikmin Yi Perbu nu tambih nyongcolang, sim uing bade nyobian kritis. Supados karya-karya Yi Perbu langkung panceg 'kuda-kudana'. Supados tambih rekep, teu aya lolongkrang kangge 'nyerang'...."
14. Nana Sukmana: Manusiawi pisan. Pagunyeng-gunyengna cinta sareng pancen. Museur, teu nyangki bakal ka dinya leokna. Mung asa aya nu ngagokan, Ang. Hateup eurih sareng tembok. Upami diibaratkeun mah nganggo bukaan, didasi, disapatu, namung kaluhurna iket barangbang semplak. Sok sanos kitu, idena hebring lah!
15. Teti Taryani: Antara pancen sareng rasa nu rosa tea nya Kang Ahmad Yani...
16. Ahmad Yani: Kang@Godi Suwarna : Kalintang bingahna, Kang Perbu ,parantos luntur galih kersa masihan kritik, kana seratan basajan sim kuring !, duh ! katampi pisan, eta pisan anu di anti-anti teh . Hatur sewu nuhun Ang Perbu !
17. Ahmad Yani: Kang Nana Sukmana : Hatur sewu nuhun kana apresiana,Ang !. Perkawis " Hateup Eurih sareng Tembok ", sumuhun , eta teh estu kalepatan sim kuring, rumaos ceroboh sareng gurung gusuh. nuhun pisan kana koreksina Ang !, bahan perhatosan kangge kapayunna, supados tiasa langkung taliti.
18. Ahmad Yani: Teh Teti Taryani : Sumuhun kana kitu rupina Teh !, pabedol-bedol antawis tugas sareng hate ! heu heu !
19. Ambuna Kaka: huebaaaaaaaaaaat! heded fikminna. bakal langkung heded dai pami tanda bacana merenah, kang!
20. Ahmad Yani: Ambuna Kaka : Tah eta pisan ! Ambu !, salah sawios tina seueurna kakirangan sim kuring teh, dina perkawis tanda baca, tos ti kapungkur seueur nu ngemutan, tapi edas ... teu acan leres-leres wae !. Hatur nuhun kana koreksina Ambu !, katampi pisan !
21. Meila Handayani: tah bener kan..da curiga bogoheun ah hihihihi *lempeng
22. Ahmad Yani: Neng@Meila Handayani : heu heu heu heu .... Leres pisan, tugas pabeulit sareng cinta ! tea rupinamah ! heu heu !
23. Meila Handayani: hese sih kacugak eceng mah kang...lieur lahhh..duitna weh sayah mah hahhaha
24. Akoer Lah: Kang Ahmad, kade eta urang "water enough" nu resep tahu sok taliti kana tanda baca. Mun eta kabogohna memang teroris (pedah aya kecap beda ideologi), biasana sok dihareupan ku kesatuan antiteror. Tp Susi mah ti kesatuan polisi.
25. Ahmad Yani: Meila Handayani : heu heu heu ...siapp !!, engkin dikintunkeun !, nuju digepokkan heula ! ha ha !!
26. Irman Dimyatie: Ideologi maling barang batur ieu mah jigana hehehehe....
27. Ahmad Yani: Akoer Lah : heu heu heu ..."Water enough" , boro ningali kamus , ari sihoreng teh ...... ! hi hi hi hi !
28. Jordan Kurniawan: padahal mah dari pada melaan ideologi, mending melaan cinta. briptu susi, kacipta jangkung lenjangna he he he he
29. Ahmad Yani: Kang Irman Dimyatie : heu heu heu .... Ideologi, nu matak tiasa niiskeun manah tea ningan Ang ! heu heu !
30. Ahmad Yani: Jordan Kurniawan : Lalaki sajati tea atuh Ang !, cinta ka istri mah, mung prioritas nomer sapuluh !!! ha ha ha !!
31. Akoer Lah: Tapi...memang aya kitu kesatuan polisi nu sok newak teroris? Mun Teh Roris mah bisa wae, tatangga sim kirung, nu nembe gaduh titel "widow".
32. Ahmad Yani: Naon "Widow" teh Ang@Akoer Lah ? ,asa aheng istilah teh ? heu heu !
33. Irman Dimyatie: Widow teh awi dicelup hahahahaha
34. Akoer Lah: Mun Susi jd kawin ka Panji, terus Panji na katembak maot. Tah Susi teh ceuk basa aringgisna teh nya widow tea, komo mun can sagebrug mah nya widow bengsrat tea.
35. Meila Handayani: kang Akoer Lah kumaha upami susi sareng panji teh can kawin tapi tos sagebrug..angger bengsrat?hihihi
36. Ahmad Yani: Kang@Irman Dimyatie : Ma enya ah ?? hi hi hi !
37. Ahmad Yani: Akoer Lah : Oh.... siap, ngartos ayeuna mah !, nuhun Ah ! heu heu !