WANTED

Wanted

Ti saprak Bapa dicangkalak ku jalmi-jalmi nu rambutna cepak. Pameunte Ema, sok katingal carindakdak. Upami wengi, Ema sering ngalamun, melong langit, ngumbah kapeurih ku cisocana. " Kunaon, Bapa teh teu uih deui ! Ema !?" Uing ngawani-wanikeun maneh nembrakeun eusi hate, bari nyusupkeun beungeut kana tulang harigu ema anu geus ipis. Ema kalah ngabalieur, nutupan beueus socana ku dampal panangan. Peuting beuki mongkleng, samongkleng soca Bapa nu digarisan spidol hideung, basa uing maca koran di tatangga tadi beurang. Dihandap foto Bapa, aya tulisan, ngan sakecap. Wanted !. Cenah !.

Koméntar kana ieu Fikmin:

1. Iwan Hanjuang: biasana sok aya jumlah hadiahna..??
2. Gunawan Sejati: make rarangken dolar tihareupna..
3. Ahmad Yani: Kang Iwan Hanjuang , heu heu heu .... tangtos diperhatoskeun pisan !, sumangga atuh bilih aya maksad janten Intel independent !!! hi hi !
4. Ahmad Yani: Gunawan Sejati ! heu heu ... bade ngangge Kurs rupiah, manawi Ang !
5. Kimomonk Arthawee: Alatan bapa kacangkalak bakal banyak pajabat pangkatna ...naek..
6. Lies Tjandra Kancana Sudarma: Aduh ! Kang Iwan.. deudeuh teuinbg Kunaon atuh ????
7. Gunawan Sejati: moal ah jadi leutik atuh hargana..WANTED mah layanna dollar..
8. Ahmad Yani: Kimomonk Arthawee : heu heu ... nyair dina cai kiruh, rupina mah nya ! Ang ? heu heu !
9. Ahmad Yani: Lies Tjandra Kancana Sudarma : Kang Iwan Hanjuang ! , eta di taros ku Teh Lies Tjandra ! he he he !!
10. Ahmad Yani: Gunawan Sejati , Heu heu heu ... baong ieu mah intel teh ! , sok maksa wae ! ha ha ha ha ha !!!
11. Iwan Hanjuang: Lies Tjandra Kancana Sudarma... aya we...
12. Teti Taryani: Pami pareng kacangkalak, dampak negatipna...wayahna hidep bakal katalangsara... tapi dampak positipna bakal naek pangkat tah juragan pulisi teh...